Gin raid nga Alkalde sa South Cotabato ginpakapkapan anay ang mga pulis antes ginpasulod sa mga kwarto sa kahadlok nga tamnan sang ebedensya

KORONADAL CITY-Pinasahi ang ginpatigayon nga pag implemetar sang search warrant sa panimalay sang Alklade sa banwa sang Tampakan, South Cotabato nga si Mayor Leonardo Escobillo kaina sang kaagahon.

Ini bangud ginpahayag sa Bombo Radyo Koronadal ni Atty. Jose Ledda, ang Family Lawyer sang mga Escobillo nga antes ginpatigayon ang pag search sa balay sang alkalde wala nagpasugot si Mayor Escobillo nga esearch ang balay sini samtang wala pa ang ila abogado, media kag Barangay officials sa kahadlok nga matamnan ini sang ebedensya.

Magluwas diri ginkumpirmar ni Atty. Ledda nga sang suguran na ang search operation una nga ginpatsekyar ni Mayor Escobillo isa isa ang ang gamit sang mga otoridad kag ginpakapkapan antes ginsugtan nga makasulod sa mga kwarto agud nga masiguro sini nga wala sila sang dala nga mga ebedensiya kag indi planted ang matabo.

Samtang base sa una nga pahayag ni Mayor Escobillo sa Bombo Radyo nga may yara ini sang mga armas , salakyan, kag kwarta , ini man ang nakuha sang mga otoridad sa panimalay sini apang negatibo sa droga.