Gin-aprobahan sang Department of Budget and Management (DBM) sa pagpanguna ni Secretary Amenah Pangandaman ang 16,000 ka bag-o nga teaching positions sa mga pampubliko nga buluthuan para sa School Year (SY) 2025–2026, bilang sabat sa direktiba ni President Ferdinand Marcos Jr. nga paligonon ang sektor sang edukasyon.
Ang 16,000 nga bag-o nga posisyon kabahin sang una nga tranche sang target nga 20,000 ka teaching positions para sa sini nga tuig.
Sa pihak nga bahin, sa 15,343 nga bag-o nga posisyon, mga Teacher I nga may Salary Grade 11.
Ang mga teaching post para sa Senior High School ibutang sa division level para mas flexible ang deployment, suno sa polisiya nga una ginpagwa sang DBM sang 2016.
Suno kay Secretary Pangandaman, ini nga tikang isa ka porma sang suporta sa Department of Education (DepEd) agud mapabaskog ang workforce sa Kindergarten, Elementarya, Junior High School, Senior High School, kag sa Alternative Learning System (ALS).
Gin-estimar nga magalab-ot sa P4.194 billion ang pondo ang ginreserba para sa mga bag-o nga posisyon, halin sa built-in appropriations sang DepEd sa idalom sang 2025 General Appropriations Act.
Sa karon nga SY 2024–2025, ginreport sang DepEd nga masobra 27.012 million nga estudyante ang naka-enroll sa elementarya kag high school sa bug-os nga pungsod, upod na ang mga ara sa Alternative Learning System (ALS).
