Nagpatigayon sang intensive training ang Gilas Pilipinas bilang preparasyon sa ila pag-atubang sa Australia Boomers sa quarterfinals sang 2025 FIBA Asia Cup nga ginahiwat sa Jeddah, Saudi Arabia.
Suno kay Gilas coach Tim Cone, wala sila nag-sayang sang tion sa pag-ensayo matapos nila mapirdi ang home team nga Saudi Arabia sang kaagahon sang Martes.
Ini nga duwa amo ang una nga tion nga magatupong liwat ang Gilas kag Australia matapos ang ila hampang nga natabo sang 2018 sa Philippine Arena sa tunga sang 2019 FIBA Basketball World Cup Asian qualifiers match.
Daku nga challenge para sa Gilas ang Australia nga ara sa ika-7 nga pwesto sa bug-os nga kalibutan, kag bisan pa wala sila sang NBA players, nagpabilin nga wala pa sila napierde sa Group A.
May posibilidad man nga mag-abot liwat sa hampang ang Gilas Pilipinas kag ang Chinese Taipei nga nagdaog batok sa ila, kon magdaog sila kontra Australia.
Kinahanglan man nga magdaog ang Chinese Taipei batok sa Iran.
Pagahimuon ang hampang sang Gilas kag Australia mga alas-7 sang gab-i subong Agosto 13.
