KORONADAL CITY – Pagapasigahon na karun sa gab-i ang giant Christmas Tree sa Tampakan, South Cotabato bilang lakip sa selebrasyon sang Christmas Festival sa nasambit nga banwa//Ini ang ginpahayag ni Tampakan Mayor Leonard Escobillo sa interbyu sang Bombo Radyo Koronadal.
Suno sa alkalde, wala na suno pa nadayo nga pataasuon pa ang nasambit nga Christmas tree bangud ginabalanse lamang ang ila nga pondo.
Apang luwas sa giant Christmas Tree mabusog man ang mata sang publiko sa nagkalain-lain nga pasuga sa mga kahoy nga gindekorasyonan man sang tagsa ka department head sang LGU-Tampakan.
Dugang man sini nga may yara sang parol competition para sa 14 nga mga baranggay sa Tampakan sa inisyatibo man sang Sanguniang Bayan sang Tampakan.
Ginapasiguro man sang opisyal ang seguridad sang publiko bangud sa presensya sang Tampakan PNP, mga sundalo kag iban pa nga mga otoridad.
Pahinumdom man sini sa mga bisita ukon dumuluon sa ila lugar nga gusto makit-an ang ila Christmas Tree nga magasunod lamang sa minimum health protocols kag likawan gid ang maglapta sang absura agud nga mapabilin nga malimpyo ang lugar.
