KORONADAL CITY- All set na ang 8th Agten Tufi Festival kag 64th foundation anniversary sang Tupi South Cotabato.
Sa interbyu sang Bombo Radyo Koronadal kay Tupi Mayor Reynaldo Tamayo, alas 7 sang aga Sept 5, 2017 magasugod ang ila mga aktibidad sa nasambit nga selebrasyon kun sa diin igapatigayon ang parade kag nagkalain-lain nga kompetisyon.
Mangin highlight naman sa kapyestahan ang Fruits eat all you can sa Tupi kun sa diin tuman ka damo nga mangunguma kag kumbuyuhan ang nagpadala sang tuman ka damo nga prutas para sa nasambit nga week long celebration.
Luwas sini pwede man magpauli sang tubtob masarangan dal-on nga mga prutas.
Pagalauman man ang magapakigbahin nga mga artista kag local bands nga magaperform sa gab-I.
Luwas sini, iga showcase man ang sunflower farm nga nangin sentro na subong sang turismo sa South Cotabato.
Gina-imbitaran naman ni Mayor Tamayo ang tanan agud nga mag-enjoy sa nasambit nga aktibidad.
