Ginpalawig pa sang Court of Appeals ang gin-isyu nga freeze order sa bank accounts, propriedad kag iban pa nga assets ni Kingdom of Jesus Christ leader Pastor Apollo Quiboloy.
Ini ang ginkumpirmar sang legal counsel sang KOJC nga si Atty. Dinah Tolentino-Fuentes.
Suno kay Fuentes, ginpalawig pa ang freeze order tubtob sa Pebrero 3 sa madason nga tuig.
Sa subong, wala pa nakabaton ang ila nga kampo sang kopya sang extended freeze order.
Madumduman nga sang Agosto 5 sang nag-isyu ang CA sang 20 ka adlaw nga freeze order sa mga property ni Quiboloy lakip na nag KOJC at Swara Sug Media Corp., na siyang nago-operar sa Sonshine Media Network Internationalm (SMNI), ang media arm sang KOJC.
Sakop sang freeze order ang 10 bank accounts, pito ka real properties, lima ka motor vehicles kag isa ka aircraft nga ginapanag-iyahan sang KOJC subong man ang 47 ka iban pa nga bank accounts, 16 real properties kag 16 motor vehicles sang KOJC.
Ang nasambit nga freeze order ang ginhingyo sang AMLC nga gin-aprubahan naman sang CA.
