KORONADAL CITY – Nag-enjoy man kag wala mapunggan sang isa ka turista nga magdayaw sa masadya kag madinuagon nga selebrasyon sang 25th Tnalak festival kag 58th founding anniversary sang South Cotabato.
Suno kay Mr. Tim, American national gikan sa State of Michigan, kaupod niya nga naglagaw sa Koronadal City agud saksihan ang Tnalak festival ang iya nobya nga taga-Polomolok, South Cotabato.
Suno sa iya, lunsay ma-inabyanon kag maayo ang mga taga-South Cotabato kag nalipay siya nga nasaksihan ang masadya nga selebrasyon.
Suno pa sa iya, matahum ang Pilipinas kag labi nga matahum ang probinsiya ilabi na ang mga manami nga tourist destinations diri..
Kaangot sini, ginaawhag man sini ang kasubong niya nga turista nga magbisita sa South Cotabato.
Nagaplano man ini nga magbalik pa sa madason nga tuig agud saksihan ang Tnalak festival..
