Naguba matapos nga matumbahan sang puno sang kahoy ang isa ka food stall sa Baywalk, Koronadal City bangud sa pagbuhos sang ulan nga may dala nga mabaskog nga hangin.
Sa interview sang Bombo Radyo Koronadal kay Manong Ceasar Luig, bystander, nakibot siya sang hinali na lamang nga natumba nag parte sanng puno sang kahoy kag natumba sa isa ka stall.
Maayo na lamang kag wala man sang tawo nga napilasan bangud sirado pa ini kag wala pa sang may nag-abot nga nagabaligya diri.
Gilayon naman nga nagpatigayon sang clearing operation ang mga otoridad kag gin-utod ang mga sanga nga natumba agud nga indi na magin upang sa palibot.
Kadungan sini, liwat nga nagpahanumdom ang mga otoridad, nga magdoble sa paghalong subong nga panahon sang tig-ululan kag likawan ang anuman nga lugar nga may dalagko nga puno sang kahoy agud makalikaw man sa disgrasya.
