-- ADVERTISEMENT --
Posibli magdeklarar sang food security emergency ang gobyerno sa masunod nga semana, suno kay Pangulong Ferdinand “Bongbong” Marcos Jr.
Katuyuan sini suno kay Marcos nga mapanubo ang presyo sang bugas sa pungsod, bangud apisar nga ginhimo na ang nagakaigo nga tikang mahal sa gihapon ang presyo sa merkado.
Sa karun ginahulat pa ang rekomendasyon sang Price Coordinating Council angut diri.
Nahibaluan nga sandig sa Republic Act 12078 ang laye nga nag amyendar sang Agricultural Tariffication Act, may gahum ang tiglikum sang Department of Agriculture nga mag deklarar sang food security emergency sa bugas sa tiun kulang ang suplay ukon may hinali nga pagsaka sa presyo sini.
