KORONADAL CITY– Nagpalambo pa sa turismo sa probinsya sang South Cotabato ang flower farm sa Kablon, Tupi South Cotabato nga mas kilala bilang Eden’s Flower Farm.
Sa interbyu sang Bombo Radyo Koronadal sa pamunuan sang nasambit nga booming tourist destination sa probinsya kapin tatlo ka tuig na suno pa ang flower farm subong nga nahatagan sang igtalupangod bangud sa pag viral sini sa social media bangud makit-an diri ang mga maanyag nga mga bulak.
Nahibaluan nga humalin sang buksan ini sini nga bulan sang oktubre ilabi na sa tunga sang tunga sang pagbulak sini ginabulubanta nga yara sa 1,000 katawo ang nagabisita adlaw adlaw.
Nahibaluan nga ang ila bulak ang ginabiyahe naman sa mga kaiping nga lugar.
Sa interbyu sang Bombo Radyo Koronadal kay Balong Ragundon myembro sang Kablon Matutum Motorcycle Association, dako nga bulig sa ila ang nasambit nga tourist destination bangud dugang sa kita sa ila ang mga turista nga nagadayo sa nasambit nga lugar kun sa diin pila sa mga wala sang trabaho sa ila lugar ang nahatagan suno pa sang income nga dako nga bulig.
Sa subong temporaryo anay ini nga ginpasara bangud nagharvest na sang mga bulak sang Oktubre 28 bilang preparasyon sa undas 2017 apang ginalauman nga sa bulans ang Disyembre liwat ini nga pagabuksan.
Lauman naman suno pa ang dugang nga atraksyon sa lugar kasubong sang plano nga pagbutang sang swimming pool kag iban pa.
Nagpasalamat naman ang pamunuan sang nasambit nga tourist destination sa suporta sang probinsya kag lokal nga gobyerno mangin sa Bombo Radyo sa suporta.
