Apisar sang epekto sang El Niño phenomenon, nakapagkit sa gihapon ang Philippine Fisheries Development Authority (PFDA) sang pinakamataas nga kadamuon sang isda nga na-deliver sang Mayo 2024.
Sa latest nga report sang ahensya, naglab-ot sa 66,587 MT ang nadeliver sa bulan lamang sang Mayo.
Ini ang mataas sang 10.5% halin sa nagligad nga 60,256 MT sang Abril.
Ang pagsaka nga ini natabo apisar pa sang epekto sang El Niño sa mga pukot sang isda sa pungsod.
Pinakadako nga bahin sini naghalin sa General Santos Fish Port Complex nga nag-deliver sang 34,747 MT. Ini 23.98% kun diin sang nagligad nga bulan yara lamang sa 28,027.19 MT ang kadamuon sini.
Ang Navotas Fish Port Complex nakadeliver man sang 23,312 MT samtang ang Iloilo Fish Port Complex nakalab-ot sa 3,172 MT, nga 23.4% ang nadugang kon ipaanggid sa nagligad nga 2,570.82 MT.
