Isa kritikal kag anom ang pilason sa naglungtad nga disgrasya sa National Highway, Barangay Palian, Tupi, South Cotabato sang isa ka Fish Car kag Tricycle pasado alas-11 subong nga aga, Enero 12, 2025.
Sa interview sang Bombo Radyo Koronadal kay Kap Jeffrey Agustin, Barangay Captain sang Barangay Palian, Tupi, South Cotabato, halin sa Gensan ang fishcar kag nabatian sang nakasakay sa tricycle ang isa ka lupok sang ligid kag hinali na lamang ini nga nang araro.
Dugang pa niya, gindala na sa malapit nga balay bululngan ang mga biktima sa nasambit nga aksidente.
Ang mga nalakip sa aksidente sanday:
- Fahad Utto Muhammad, 36 years old, Purok 3 Bamboo, residente sang Sultan Kudarat, Maguindanao,
- Haron Yusop Guiapal, 40 years old, Mabini St. Pob. 6, Poblacion VI, Cotabato
- Kadir Baguindang, 24 years old, Poblacion, Cotabato City
- Salud Macalutang, 29 years old, Poblacion, Cotabato City
Nagapanawagan man si Agustin nga maghalong sa pag padalagan sang salakyan ilabi na sa dalanon sang Tupi bangud ini isa ka accident prone area.
Sa karon, padayon man ang imbestigasyon sang mga otoridad sang Tupi sa nasambit nga aksidente.
Standby mga ka-bombo para sa dugang nga mga detalye.
