KORONADAL CITY – Hugot gid nga ginadumilian sang PNP ang pag-usar sang mga ginadumulian nga sahi sang palupok sa tion sang paskwa kag bag-ong tuig.
Sa latest nga listahan nga ginpaguwa sang mga otoridad, may mga palupok nga indi dapat usaron kag dapat nga indi pag-ibaligya sang mga vendors bangud sa tuman ka taas nga content sang pulbura nga mahimo makatuga sang pagka-utod sang parte sang lawas sang tawo ukon kamatayon sa tion nga mausar ini sang indi maayo.
Ini ang nangin pahayag ni Mr. Johmel Alo, presidente sang Fireworks and firecracker Association sang South Cotabato sa pagpakighinun-anon sang bombo Radyo Koronadal.
Suno sa iya isa sa mga ginaumilian nga mga palupok amu ang sikat nga 5 star sa diin tuman ka delikado sa mga naga usar sini, apang bangud sa request sang publiko , ginbalik ini ,apang ginbag-o ang content sini kag ginbuhinan ang kadamuon sang pulbura sa sulod.
Sa subong ang 5 star nga palupok ang may ara na lamang sang 0.2 nga gramo sang pulbura agud nga indi mangin delikado sa isa ka persona nga naga usar sini nga tuyo lamang mag sinadya sa tion sang paskwa.
