Nagdangat na sa 84 ang napagkit nga Firecracker related injuries sa bug-os nga Rehiyon dose.
Ini ang ginkumpirma ni Arjohn C. Gangoso HEPO III DOH XII sa panayam sang Bombo Radyo Koronadal.
Ang nasambit nga datos ini humalin sang Disyembre 21, 2024 tubtub Enero 3 2025.
Sa nasambit nga kaso, 20 diri ang eye injuries, 63 ang no amputation ukon mga pilas samtang naga pabilin nga 2 nautdan sang parte sang lawas nga nalukpan sang palupok.
Pinakabata naman nga edad sa mga biktima amu ang 2 katuig samtang 70 anyos naman ang pinakatigulang.
72 naman ang mga lalaki kag 12 ang mga babayi.
Pinakamadamo naman nga napagkit nga Firecracker related injuries amu ang probinsiya sang South Cotabato nga 43 ka mga kaso, 15 sa North Cotabato, 9 sa Sultan Kudarat, 8 sa Sarangani kag 9 naman sa syudad sang General Santos.
Nagapanguna naman nga palupok nga rason sang mga insidente amu ang kwitis kag ginsundan naman sang ginadumilian nga boga.
May yara naman sang advocacy campaign ang DOH agud makahatag sagn impormasyon batok sa ginadumili nga pag gamit sang palupok.
Dugang sini, tubtob Enero 6, 2025 ang pag hatag sang report sang ahensya.
Nag pahayag man si Gangoso sa publiko nga hindi na mag gamit sa palupok, mag lakat sa mga balay bulungan ang mga napilasan ukon nalukpan sang palupok agud amhatagan sang tama nga interbensyon nga matapna ang ano man nga infection pati man ang pag hugas sang kamot pagkatapos mag kapot sang mga palupok agud maiwasan ang food poisoning.
