KORONADAL CITY- Arestado ang isa ka financial facilitator sang Dawlah Islamiyah Hassan Group sa ginhiwat nga anti-terrorist operation sang PNP sa Isulan, Sultan Kudarat.
Ini ang ginkumpirma ni Police Captain Joel Lebrilla, ang Chief of Police sang Raja Buayan PNP sa interbyu sang Bombo Radyo Koronadal.
Ginkilala ang naaresto nga si Racma Dinggo Hassan o Halima Ebrahim alyas Raks, sa balay bulungan sang Sultan Kudarat Provincial Hospital sa Isulan.
Suno pa sa opisyal, upod nila sa ginhiwat nga operasyon ang PNP Special Action Force, Provincial Mobile Force Company sang Maguindanao Sur PNP, Maguindanao Sur Provincial Police, kag mga katapo sang Isulan , Shariff Saydona Mustapah at Datu Piang municipal police stations.
Ginpahayag pa sang opisyal nga si Halima ang magapangatubang s akaso nga multiple attempted murder kag may bail bond nga nag abot sa P120,000 pesos.
Sandig pa sa nangin imbestigasyon ang nadakpan nga suspek ang tiayon sang napatay nga Norodin Hassan alyas ‘Andot’, ang anay Emir sang Daulah Islamiyah Hassan Group nga napatay sa engkwentro batok sa gobyerno sang naglabay nga January 15, 2022 sa Brgy. Tunganon, Carmen, Cotabato.
Si alyas Raks ang nagasilbi nga logistic, financial facilitator kag liaison officer sang terorista nga grupo nga naga-operate sa Sultan sa Barongis, Shariff Sayfdona Mustapah kag bug-os nga Maguindanao province.
Isa suno pa kabulan nga nagatao sa Rajah Buayan ang suspek usar ang iya bag-o nga pangalan antes nga nadakpan sang mga otoridad.
