Naga-andam na ang mga Automated Counting Machines (ACMs) sa mga munisipyo sa South Cotabato para sa final testing nga magahalin subong nga adlaw tubtob sa Miyerkules, Mayo 7.
Ini ang naging paahyag ni Atty. Jay Gerada ang Provincial Comelec Supervisor sa interbyu sang Bombo Radyo Koronadal.// Suno saiya, ang testing nga ini magahimo sang mga pamaagi agud masiguro nga nagafunction sang husto ang mga makina antes sang Election Day.
Suno sa mga opisyal, ang mga technical support teams andam na para magresponde sa mga teknikal nga problema, bisan pa nga ginalauman nila nga hindi ini magakatabo bangud nga bag-o ang mga ACMs nga ginagamit.
Dugang pa ni Atty, gerada, may 801 ka ACMs ang igadeploy na sa bug-os nga probinsya sang South Cotabato, kag ang mga makina ini amo ang gamiton para sa May 12 nga eleksyon.
Ang mga teknikal nga eksperto naga-siguro nga ang mga makina magatiner sang maayo nga performance, kag ginalauman nga ang final testing magahatag sang kumpiyansa sa mga officials kag mga botante nga husto ang sistema para sa halalan.
Nagapangabay ang mga opisyal sa publiko nga magpabilin nga alerto kag magpasensya samtang ginahimo ang final testing.
