KORONADAL CITY- Nagahinugyaw ang mga Filipino sa Indonesia sa isa ka hotel sa Jakarta kun sa diin natalana nga mag-atubang si President Ferdinand Marcos, Jr. bilang panugod sang iya state visit.
Kung sa diin nagpakigkita si President Ferdinand ‘Bongbong’ Marcos Jr. sa Filipino community sa Indonesia.
Gin-updan ini sang iya tiayon nga si Liza Araneta-Marcos, kag anak nga si Ilocos Norte 1st District Rep. Sandro Marcos.
Ginsug-alaw sang mabaskog nga palakpak kag singgitanay sang filipino community group sa Indonesia si President Ferdinand ‘Bongbong’ Marcos Jr. matapos nga nakipagkita sa ila kag nakipaghinun-anon sa Grand Ballroom, Fairmont Hotel, Jakarta, Indonesia.
Ginsiling sang mga Pinoy nga tuman ang pagpasalamat ni President Marcos sa hardwork sang mga Filipino sa nasambit nga pungsod.
Magluwas sa bilateral relationships, magapirma sang kasugtanan ang presidente kaupod ang mga Indonesian officials para sa safety kag seguridad sang pungsod.
Wala nasambit ni PBBM sa iya nga mensahe ang kaso ni Mary Jane Veloso apang posible pagatalakayon ini kaupod ang natungdan nga ahensya.
Natalana naman makighinun-anon ang Filipino community kaupod si DMW Sec. Susan Ople agud mahinalaan ang estado sang employment kag mga kinahanglan sang mga Pinoy.
