-- ADVERTISEMENT --
Nakasulod na sa semifinals ang Filipinas women’s football team sa nagapadayon nga 33rd Southeast Asian Games.
Ini matapos nila mapirdi ang Malaysia 6-0 sa hampang nga ginhiwat sa IPE Chonburi Stadium sa Thailand.
Una nga nakapuntos si Alexa Pino, kag ginsundan sanday Jessika Cowart, Ariana Markey, kag Anicka Castañeda.
Nangin bulig man sa ila pagdaog ang pagpirdihon sang Vietnam (ang defending champion) sa Myanmar 2-0, kay kinahanglan sang Filipinas nga makuha ang tatlo ka goals agud maka-abante.
Ara sa ikaduha nga puwesto sa Group B ang Filipinas, kag sa semifinal round magatupa sila sa Thailand, nga amo ang nagapanguna sa Group A.
Ginpahamtang nga ang semifinals pagahiwaton sa Domingo.
