KORONADAL CITY- Nagakabalaka si South Cotabato Governor Daisy Avance-Fuentes sa mga South Cotabateños kag sa tanan nga mga supporters nga ginaduso sa idalum sang pagpamuno ni Pres. Rodrigo Duterte angot sa isa ka grupo nga gina-usar ang nasambit nga isyu agud makapanonto sang nilibo ka mga indibidwal sa probinsya sang South Cotabato.
Sa ekslusibo nga interbyu sang Bombo Radyo Koronadal kay Governor Daisy Avance-Fuentes, duha ka mga banwa na subong ang nasulod sang wala pa matumod nga mga grupo nga nagalibot sa Lake Sebu kag T’boli agud nga awhagon ang mga tagasuporta sang Federalismo pinaagi sa membership fee, ginahatag nga ID kag pagpirma sa kasugtanan.
Dugang pa nga ginatonto nila ang mga pumuluyo pinaagi sa mga promisa nga kun sila ang magapirma kag magapamyembro, magawad ang mga duta nga naprenda, kag pagahatagan sila sang kwarta kag balay.
Nagapati naman ang gobernadora nga isa ini ka organisado nga syndicate group nga ginasakyan ang ginaduso nga Federal form of Government sang Duterte administration agud makapangwarta.
