Nagapati ang Federal Bureau of Investigation (FBI) nga ang suspek sa pag-atake sa New Orleans gin-impluwensyahan sang ISIS.
Suno kay Christopher Raia, ang deputy assistant director sang FBI Counterterrorism Division, nga malapit na sa pagka-ISIS radical ang 42-anyos nga suspek nga si Shamsud-Din Jabbar.
Nagatipon pa sila sang madamo nga impormasyon nga nagakonektar sa suspek sa pila ka mga terror activities.
Nagapati man ang FBI nga nag-isahan lang ang suspek kag wala siya sing kaupod sang gin-sagasaan niya ang madamo nga tawo sa Bourbon Street gamit ang iya pickup truck, nga nagresulta sa kamatayon sang 14 ka tawo.
Napatay man ang suspek, nga isa ka Army veteran, matapos mag bayluhanay sang mga nilukapanay sa mga otoridad.
Nakakuha man ang FBI sang video nga nagapamatuod nga nag-upod na siya sa terror group kag nakakuha ang mga otoridad sang bandera sang ISIS.
Nakarekober man ang mga otoridad sang duha ka improvised explosive devices sa Bourbon Street, nga ginbutang sang suspek sa magkaiba nga lugar.
