-- ADVERTISEMENT --
KORONADAL CITY-Nagapabilin sa gihapon nga preska sa panghuna-huna ni Father Teresito “Tisoy” Suganob ang mapait kag makahaladlok nga eksperiensiya sa Marawi City kun diin nangin bihag ini sang terorista nga Maute-ISIS.
Sa ekslusibo nga interbyu sang Bombo Radyo Koronadal, ginsaysay sini ang indi malipatan ngahitabo sa Marawi siege ilabi na ang kada adlaw nga pagpatigayon sang airstrike sang militar batuk sa Maute-ISIS kag kun sa ano nila malikawan ang mga bomba kag bala nga ginlaragway pa sini nga daw kasubong sang ulan.
Dugang pa ni Father Tisoy, mapait ang nangin eksperiensiya niya apang nagsalig ini sa Diyos kun diin ini ang iya ginapatihan nga nakaluwas sa iya.
