Nadiskubrihan sang militar ang factory sang mga armas kag improvised explosive device (IED) sa Datu Salibu, Maguindanao del Sur.
Ini ang ginkumpirmar ni Lt. Col. Roden Orbon, spokesperson sang 6ID, Philippine Army sa interview sang Bombo Radyo Koronadal.
Suno kay Orbon, natukiban sang mga suldado sang 601st kag 602nd Brigade, Philippine Army ang nasambit nga factory bangud sa ginlunsar nga operasyon batuk sa mga lider sang local terrorist nga Daulah Islamiya Turaifi group kag Bangsamoro Islamic Freedom Fighters (BIFF).
Sa nasambit nga factory narekober ang mga war materials, mga armas kag mangin ang mga improvised explosive device.
Ginauyatan na sa karon sang militar ang pangalan sang mga nagapanag-iya sang nasambit nga lugar kag natalana nga pasakaan sang nagakaigo nga kaso.
Nagapati ang opisyal nga konektado sa mga local terrorist nga BIFF kag Dawlah Islamiyah ang nagapanag-iya sang nasambit nga factory sang mga armas.
Madumduman nga sang damlag lamang isa ka grupo sang BIFF Dawlah Islamiya ang nagsungka sa mga otoridad bitbit ang ila mga armas kag mortar.
