KORONADAL CITY – May nagapabilin nga extradition treaty sa tunga sang US kag Pilipinas, pinaagi diri mahimo nga ma extradite ang self proclaimed “appointed son of God” Pastor Apollo Quiboloy.
Ini ang ginpahayag ni Atty. Arnedo Valera, isa ka abogado sa US , sa interview sang Bombo Radyo Koronadal.
Suno sa iya, nga mahimo nga magpadala sang request ang Estados Unidos sa Pilipinas nga i-arrest kag i-extradite pabalik sa US si Quiboloy agud nga masabat ang mga akusasyon batuk sa iya.
Nahibalu-an nga nalakip sa ginpagwa nga wanted list sang US Federal Bureau of Investigation (FBI) si Quiboloy bangud sa kaso nga “conspiracy to engage in sex trafficking by force, fraud and coercion kag sex trafficking of children; conspiracy; bulk cash smuggling.”
Ginpahayag pa sang abogado nga ang extradition treaty amu ang international agreement sa tunga sang duha ka mga pungsod ukon estado sa diin ang Requested State ang nagpasugot sa request sang Requesting State sa idalom sang specified conditions nga; i-turn over ang subject person nga yara sa ila nga jurisdiction nga nakakomiter sang krimen ukon makabig nga fugitive sa Requesting State.
Gindugang pa sini nga mabudlay lang sa tunga sang extradition treaty ang political kag religious cases.
Apang, indi naman makabig nga religious ang sex trafficking cases batok kay Quiboloy
