KORONADAL CITY – Indi na bag-o para sa mga opisyal sa Mindanao ang deklarasyon sang Martial Law ni Pangulong Rodrigo Duterte bangud una na niya ini nga nangin warning sa tion nga magpadayon ang kalakasan nga tuga sang terror group, mga bandido kag kriminal.
Ini ang reaksiyon ni South Cotabato Governor Daisy P. Avance Fuentes sa interbyu sang Bombo Radyo Koronadal.
Suno kay Fuentes, expected na ang nasambit nga deklarasyon kag nahangpan nila ini bangud madamo sang mga sympathizers ang Maute terror group sa probinsiya sang South Cotabato kag iban pa nga lugar sa Mindanao nga posible nga maghatag sang susporta sa mga nagtuga sang kalakasan siyudad sang Marawi.
Aminado ang gobernadora nga monitored na ang mga bandido nga grupo sa Region 12 nga posible nga makig-alyansa sa Maute kag magahimo sang kagamo sa nagkalain-lain nga lugar sa Mindanao.
Rason nga dapat mangin alerto ang tanan kag makigkooperar sa mga otoridad.
Kaangot sini, dako naman ang kumpiyansa sang gobernadora sa mga suldado kag kapulisan South Cotabato nga himuon ang tama kag indi maglapas sa auman nga kamanduan sang Pangulo sang pungsod.
