Mahimo nga may impluwensiya ang Executive branch sang gobyerno sa proseso sang impeachment proceedings batok kay VP Sara Duterte.
Ini ang nangin panan-awan ni Atty. Jasper Kent Perez- isa ka abogado sa interview sang Bombo radyo Koronadal.
Suno sa iya, apisar nga gamhanan ang mga senador nga naga serbi bilang impeachment court sa kaso sa bise presidente, indi man lipod sa ihibalo sang tanan nga mas gamhanan sa gihapon ang executive branch sang gobyerno sang Pilipinas sa diin may ara man sang dala nga pressure sa issue nga ginapangatubang sang bise presidente.
Dugang pa sini, biskan sin-o nga senador mahimo nga mahadlok sa tion nga makabaton ang mga ini sang pressure sa ehekutibo labi na kun ang gina-istoryahan ang pagpasaka sang kaso labi na ang kaso parehas kay senator Jinggoy Estrada kag pila pa ka mga kaupadanan sini.
Ginpahayag man sini nga sa kasamtangan mahimo mapressure ang mga senator judges sa gahum halin sa executive branch kag ang pressure halin sa public opinion sa diin mahimo man makapabag-o kag maghatag sang dako nga hangkat sa mga senator-judges.
Ginpahayag man sini nga ang mga senador ang tuman ka sensitive sa political opinion labi na ang boto sang mga ini ang nagahalin man sa bilog nga Pilipinas kag indi lang sa tagsa tagsa ka mga distrito sang mga ini.
