Wala nagpakita sang pagkabalaka si anay Presidente Rodrigo Duterte sa balita nga nagwas na ang warrant of arrest niya halin sa International Criminal Court (ICC).
Sa iya nga pahayag sa atubangan sang mga overseas Filipino workers sa Hong Kong, ginpahayag niya nga kabalo na siya nga may mga kaso siya nga nagapatong-patong.
Ginpanginwala niya nga may sala siya kag nagsiling nga ginhimo lang niya ang iya trabaho agud magka-himo sang kalinong kag kalipay ang kabuhi sang mga Pilipino.
Ginhimo niya ini ang mga alegasyon nga ini para sa kaayuhan sang pungsod.
Nagpakadlaw man ini siya sa mga OFW sang ginhambal nga kon mahimo maghatag sila sang kontribusyon agud kon mapalaya siya, himo-an siya sang rebulto nga tupad ni Dr. Jose Rizal.
Una na nga ginpahayag sang Palasyo sang Malacañang nga andam sila makipag-koordinasyon sa interpol kon magwa ang warrant of arrest batuk sa anay Presidente.
