KORONADAL CITY – Yara na sa kustodiya sang Koronadal City PNP ang anay pulis kag duha ka kaupod sini nga babaye makaligad nga madakpan sa ginpatogayon nga drug raid sa Hechanova Street, Pantua Village, Barangay Zone 3 sini nga siyudad.
Ginkilala ang anay pulis nga si Nonoy Potato, 50-anyos, isa ka alyas Chicklet Romero Ferrer kag Melanie Aguacito.
Suno kay CADAC Action Officer Glorio Sandig, madugay na nila nga ginamonitor si Potato nga nagaduso sang droga.
Nagpalagas pa si Potato sa mga otoridad apang nadakpan sa gihapon ini.
Narekober sa mga suspek ang 3 medium sachet sang ginapatihan nga shabu, marked money kag mga drug paraphernalia.
Aminado naman ang anay pulis nga nagaduso ini sang droga apang madugay na nga nag-untat.
Samtang, gin-ako man nanday alyas “Chiklet” kag Aguacito nga nagagamit sila sang ilegal nga droga.
Sa subong, ginapreparar na ang kaso nga ipasaka batuk sa mga ini.
