-- ADVERTISEMENT --
KORONADAL CITY – Nagapadayon ang imbestigasyon sang mga otoridad sa nagluntad nga pagpangluthang-patay sa isa ka anay pulis sa siyudad sang Tacurong pasado alas 3 kaina sang hapon.
Positibo nga ginkilala sang mga otoridad ang biktima nga si Joven Valdez, yara sa legal nga edad kag residente sang Purok Sto. Niño, Brgy. Palian, Tacurong City.
Sandig sa report, nagapakay-o sang iya nga tricycle ang biktima sang ginpalapitan sang suspek kag ginluthang.
Nag-angkon sang igo sang bala sa nagkalain-lain nga bahin sang iya lawas ang biktima nga gintunaan sang iya kamatayon.
Sa subong, blangko pa ang mga otoridad sa motibo sang krimen.
