KORONADAL CITY- Ginmando na sang Sandiganbayan ang pagpa-arestar kay anay Koronadal City Mayor Fernando Q. Miguel makaligad nga ginpamatbatan nga guilty sa kaso nga kurapsyon.
Suno sa sources sang Bombo Radyo Koronadal convicted na si Miguel sa kaso nga paglapas sa Section 3(e) sang Republic Act 3019 ukon Anti-Graft Corrupt Practices Act rason nga indi ini pwede magpyansa.
Nahibaluan nga ang ginpagwa nga promulgation sang Sandiganbayan sang 2016 ang gin-apela man ni Miguel partikular na ang pamatbat sang korte suprema.
Apang sa pinal nga desisyon sang Supreme Court ginpapag-on sini ang desisyon sang Sandiganbayan kag ginpaarestar ang anay alkalde para execution of judgement.
Anum tubtob 10 ka tuig ang nga pagkapreso kay Miguel.
Indi man ini pwede magpadalagan sa anumannnga posisyon sa gobyerno.
Nag-ugat ang kaso sa suno pa pag manipula kag anomalya sa bidding sang consultancy services para sa Koronadal Public Market Project.
Enero 1995 sang ginsang-at ang kaso sa ombudsman-mindanao nanday atty. Rene Jumilla, Rose Dideles, Pablito Subere kag Edwin Abris lunsay mga myembro sang Sangguniang Bayan (SB) sang Koronadal.
