KORONADAL CITY – Ginsentensiyahan sanday anay Norala mayor Romeo Januto kag incumbent Vice Mayor Victor Balayon sang 10 ka tuig nga pagkapreso may kaangtanan safertilizer fund scam.
Sa ginpaguwa nga 36 ka panid nga desisyon sang Third Division sang Sandiganbayan sadtong Oktobre 11, guilty ang nasambit nga mga opisyal bangud sa paglapas sa Section 3 (e) sang Republic Act 3019 ukon ang Anti-Graft and Corrupt Practices Act.
Magluwas kanday Januto kag Balayon, konvictado man sanday anay municipal accountant Grace Mediana, bids and awards committee chairman Dominador Escucha Jr. kag BAC member Carlos Bengil sa nasambit nga silot kun sa diin ginadumilian na sila sa pag-uyat sang pampubliko nga talatapan.
Nag-ugat ang kaso sa pagbakal sang municipal government sang 1,000 ka kahon sang abono nga nagabalor sang P1.8 million halin sa supplier sini nga RCS Trading sang Hunyo 2004 nga wala nag-agi sa public bidding.
