KORONADAL CITY – Ginbawian sang kabuhi ang isa ka ex-convict matapos nga ginluthang sang riding-in-tandem suspects sa Purok Magsaysay, Brgy. Rotonda, Koronadal City alas-3:10 kaina sang hapon.
Ginkilala ang napatay nga si Renato Lavapiez, 35 anyos, single kag residente sang Purok Pantalan, Bo. 5, Koronadal City.
Suno sa pila ka residente sa lugar, nagbisita lamang sa iya mga himata ang biktima.
Sakay sang isa ka raider nga motorsiklo ang mga suspek nga nagasuksok sang bonet.
Nahibaluan nga napreso na sang tuig 2002 tubtob 2007 ang biktima sa kaso nga murder.
Suno naman sa utod sang biktma nga si Rodney Lavapiez, nadula ang bag kag jacket sang suspek.
Sa subong, nagapadayon ang imbestigasyon sa kung ano ang motibo sa panibag-o nga insidente sang pagpangluthang sa siyudad sang Koronadal.
