KORONADAL CITY – Patay ang isa ka estudyante nga suspek sa pagpangawat sang kanding matapos nga maluthangan sang caretaker sang isa ka goat farm sa Purok Aquino, Barangay Concepcion, siyudad sang koronadal.
Ini ang ginkumpirmar ni Barangay kapitan Mema Joquinio sa interbyu sang Bombo Radyo Koronadal.
Ginkilala ang napatay nga si Dexter Velasquez Dela Cruz, 21, estudyante kag residente sang Norala, South Cotabato.
Samtang ang caretaker nga nakaluthang sa biktima amo si Jimmy Mamon Villa, 52, may asawa kag residente sang nasambit nga lugar.
Suno kay Joquinio, nagreklamo na sa barangay ang caretaker sang nasambit nga goat farm sa nagluntad nga pagpangawat sang mga kanding rason nga hugot niya ini nga ginbantayan.
Rason nga kagab-i sang nabantayan ni Villa nga may tatlo katawo nga hana magkawat sang kanding rason nga gilayon nga nagpalupok sang warning shot kag naigo si Dela Cruz apang nagpalagyo naman ang duha pa ka mga kaupdanan sini.
Gilayon naman nga nagresponder ang mga BPAT’s sang barangay kag gindala sa South Cotabato Provincial Hospital ang suspek apang nadeklarar nga dead on arrival.
Narekober naman sa crime scene ang isa ka unit sang homemade nga 12 gauge shot gun nga gingamit sang caretaker kag yar sa kustodiya na ini sang mga otoridad.
