KORONADAL CITY- Nalab-ot sang isa ka Special Education student nga may yara sang problema sa panan-awan ang iya nga handum nga makapadulong sa waragwagan sang Bombo Radyo.
Ini makaligad ma imbitaran kag nangin dinapit nga bisita sang Bombo Radyo pinaagi sa programa nga Good Morning Philippines ang mga SPED students sang Koronadal National Comprehensive High School.
Sa interbyu sang Bombo Radyo Koronadal kay Roldan Sagan, 21 anyos ginpakigbahin sini nga tuig 2003 sang ini ang madulaan sang panan-aw nga nangin rason agud madulaan ini sang kumpyansa sa kaugalingon kag nahuya suno pa sa iya nga sitwasyon.
Sa pihak sang pagkadula sang iya paglantaw, nagsirbe naman sini nga mga mata ang pagpamati sa Bombo Radyo Koronadal kag sa iya nga huna-huna kasubong nga makakita na ini bangud update sa gihapon ini sa nagaluntad sa iya nga palibot.
Sa pagkamatuod, kilala na suno pa sini ang mga tingog nga iya mabatian sa Bombo Radyo.
Tuman naman ang kalipay sini sang matestingan sini nga maghambal on-air sa paborito sini nga istasyon sa radyp nga iya man nangin inspirasyon sa kada adlaw.
Bilang estudyante, dako suno pa ang nabulig sang Bombo Radyo agud makabati ini sang mga balita nga dugang sa iya nga ihibalo.
Handum man ni Roldan nga pila ka adlaw mangin broadcaster kag mabatian sang iya mga pinalangga sa kabuhi ang iya tingog sa radyo.
