Gin-aresto sang Bureau of Immigration (BI) ang Estonian vlogger nga si Siim Roosipuu, 34-anyos, matapos makabaton sang mga reklamo may kaangatanan sa harassment, indi otorisado nga pagkuha sang video, kag indi maayo nga content batok sa mga Pilipino.
Suno kay BI Commissioner Joel Anthony Viado, si Roosipuu gin-aresto sang Enero 15 sang mga operatiba sang BI Intelligence Division kag Anti-Terrorism Group, upod ang bulig sang Philippine National Police.
Gin-deklara man siya nga persona non grata sa Negros Oriental bangud sa mga akusasyon may kaangtanan sa mga indi otorisado nga video kag mga post nga naga-unod sang mga indi maayo nga pahayag batok sa mga Pilipino.
Ginpabutyag ni Viado nga mabakod ang posisyon sang gobyerno batok sa mga langyaw nga naga-usar sang Pilipinas sa paghimo sang content nga naga-tretar sang indi maayo kag nagapahamtang sang malain nga imahe sa mga pumuluyo sini.
