KORONADAL CITY– Gintawag ni Police Chief Insp. Jovie Espenido nga pinaka the best nga himuon ni Iloilo City Mayor Jed Patrick Mabilog ang pamatud-an nga sala ang mga ginahaboy nga akusasyon sa iya angot sa iligal nga droga ilabi na ang pahayag ni Pres. Rodrigo Duterte nga isa ini ka Drug Protector.
Sa interbyu sang Bombo Radyo Koronadal, ginpahayag ni Espenido nga pinakamaayo nga ini iya pamatud-an paagi sa paghimo kag indi lunsay hambal lamang.
Ini kasunod sang impormasyon nga handa si Mayor Mabilog nga magbulig kay Espenido kag ipakita suno pa ang accomplishments sini ilabi na sa pakig-away sa iligal nga droga sa nasambit nga syudad.
Samtang sa pihak nga bahin, indi suno pa dapat kahadlukan ini bangud may yara siya sang maayo nga tinutuyo kag magahimo lamang sang mga butang nga luyag sang diyos.
Kaangot sini, igapahayag lamang sini ang iya mga plano sa Iloilo City sa oras nga pormal na ini nga makapungko bilang Iloilo City Police Office (ICPO) officer-in-charge.
