“Fake news” ukon wala gid sang kamatuoran ang kalat nga impormasyon sa social media nga may bag-o nga international health concern ang naitala sang mga health experts sa iban nga mga pungsod.
Ini ang pagklaro ni DOH Asec Albert Domingo, kasunod sang social media post nga may ara suno pa sang epidemya bangud sa nagasaka nga respiratory illness sa China.
Suno sa opisyal, nagpakig-angot ini direkta sa World Health Organization (WHO) agud mahibaluan ang kamatuoran sa likod sang balita nga ini.
Didto nila nahibaluan nga “fake news” ang impormasyon.
Ginamonitor man nila ang nasambit nga pungsod, kag nahibaluan nga wala gid sila nagpaguwa sang bisan ano nga health declaration.
Ginapadayon sang kalihim, kon may bisan ano man nga health concern nga dapat mahibaluan sang publiko, mahibaluan gid ini sang DOH, kag sila mismo ang magpahibalo sa mga Pilipino.
