Isa ka kabug-usan nga pagpangabudlay, pagtuon, kag determinasyon ang ginpamatud-an ni Engr. Jaymark Buendia, isa sa mga nakapasar sa April 2025 Civil Engineering Licensure Examination, sa interbyu sang Bombo Radyo Koronadal.
Suno kay Engr. Buendia, mas mabudlay ang eksaminasyon subong kumpara sang Nobyembre sang tinalikdan nga tuig, apang wala siya nagpangduha-duha nga atubangon ini, bangud ang iya handum amo ang makabulig sa iya pamilya.
Dugang pa niya nga ginatawag siya sadto nga “bagsakin” bangud una na siya nga wala nakapasar sa una niya nga take kag indi nangin maayo ang iya performance sang kolehiyo.
Apang sa iya ikaduha nga pagkuha sang board exam, ginpanindugan niya nga ipakita nga kaya niya.
Ginpanawagan niya sa tanan nga indi magpangduha-duha sa kaugalingon — bisan pa maglapaw ang kabudlayan, kon may handum kag kabakod, malab-ot gid ang tinuyo nga kadalag-an.
