KORONADAL CITY- Nangin sentro sang atensiyon ang isa ka tarsier nga nadiskubrihan sa ugsaran sang isa ka puluy-an sa Brgy. New Lambunao, Tantangan, South Cotabato kadungan sang Christmas Day.
Sa ginpalab-ot nga impormasyon ni Brgy. New Lambunao Kapitan Noli Lazaga, ginreport sa iya ang nasambit nga impormasyon kun diin gilayon naman nga gindala sa Barangay.
Palaisipan naman sa mga residente kun sa diin nagikan ang nasambit nga tarsier bangud sa South Cotabato, ang banwa sang Tupi lamang ang may yara sang tarsier partikular na sa Tarsier sanctuary sa Brgy. Linan.
Samtang, ginakabig naman ini nga swerte sang pila ka mga residente bangud mismo sa adlaw sang paskuwa nakita ang nasambit nga sapat.
Sa subong nagapabilin sa kostudiya sang Barangay ang tarsier kag natalana nga iturn-over sa DENR pagkatapos sang holiday break.
