KORONADAL CITY – Patay ang isa ka empleyado sang South Cotabato Provincial Social Welfare and Development Office makaligad maulamid ini sa karambola sang mga salakyan sa Sitio Valencia Brgy. San Vicente, Banga, South Cotabato.
Sa interbyu sang Bombo Radyo Koronadal kay PCInsp Verlin Pampolina, hepe sang Banga PNP, nagbunggoanay ang Hilux nga ginamaneho ni Noe Sotelo Benjamin kag salakyan nga ginamaneho naman ni Harold Magracia Franial kun sa diin nagabiyahe ang mga ini sa magkasugata nga direksyon.
Wala naman nakontrol sang driver sang motorsiklo nga si Jaime Blanco Rhudy, nga isa ka municipal treasurer sa Tampakan, ang salakyan bangud sa aksidente rason nga nagbunggo ini sa Hilux.
Sa kabaskog sang impact, ginbawian sang kabuhi ang sakay sang Suzuki Ertiga nga si Lorefe Rhudy Panes kag isa pa ka social worker sang PSWDO.
Bangud diri, naghilisugot na lamang ang mga naulamid sa aksidente nga ipaagi na lamang sa areglo ang nasambit nga insidente.
