Nagapadayon ang imbestigasyon sang kapulisan sa pagpangluthang sa mga empleyado sang gobyerno sa Sitio Mahad, Brgy Fort Pikit, Malidegao, SGA BARMM kun diin, isa ang tigayon nga napatay samtang isa naman ang pilason.
Ginkilala ang napatay nga biktima nga si Mohammad Budzal Acosta, 30 anyos, may asawa samtang ang pilason amo si Samer Mamasalagat ,alyas Milky, 27 anyos, may asawa, nga lunsay mga empleyado sang MDRRMO Malidegao, SGA BARMM kag mga residente sang Brgy. Fort Pikit.
Naguwa sa inisyal nga imbestigasyon sang kapulisan, sakay sang isa ka motorsiklo ang duha ka biktima kag sang makaabot sa lugar ginpaulanan ang mga ini sang bala.
Gilayon nga gindala sa hospital ang mga biktima apang gindeklarar nga patay na si Acosta.
Narekober naman sa crime scene ang pila ka basyo sang indi pa matumod nga sahi sang armas nga ginganit sanng suspek.
Sa subong nagapadayon ang hot pursuit operation sang kapulisan kag kasuldaduhan batuk sa mga suspek.
Ginahibalo man kun ang motibo sa pagpangluthang sa biktima.
![](https://img.bomboradyo.com/koronadal/2019/09/police-report-4.jpg)