KORONADAL CITY – Patay ang isa ka empleyado sang Commission on Elections makaligad nga ginluthang nga nakadestino sa probinsya sang Maguindanao.
Ini ang ginkumperma ni Police Capt. Rustom Pastolero, Chief of Police sang Cotabato City sa interbyu sang Bombo Radyo Koronadal.
Ginkilala ang biktima nga si Jonathan Pagadas Ganta, 43 anyos kag residente sang Barangay Rosary Heights 10.
Sandig sa imbestigasyon, pila ka igo sang bala halin sa M16 riffle ang rason sang kamatayon ni Ganta bangud gin luthang ini sang makapila ka bes sang wala nakilan an nga mga suspek samtang nagahampang ini sang Chess sa isa ka payag sa bahin sang Barangay Rosary Heights 10 ,Cotabato City.
Samtang pilason naman ang driver nga si Akmad Guimad, 16 anyos nga naigo sang nagtalang nga bala.
Gilayon naman nga nagrespunde ang mga otoridad kag gilayon nga gindangat sa balay bululngan ang nasambit nga driver.
Dugang pa ni Pastolero, may graps o kun redo ang pamilya sang nasambit nga nangin tunaan sang pagpatay sa iya.
Sa karon nagapadayon ang imbestigasyon sang mga otoridad sa iban pa nga anggulo nga pwede makatumod sa mga suspek samtang nagapadayon naman ang pagpangita sang mga otoridda sa mga posible nga testigo sa nasambit nga krimen.
