KORONADAL CITY – Nagapadayon ang imbestigasyon sang mga otoridad sa nagluntad nga pagpangluthang patay sa isa ka empleyado sang Commission on Higher Education Region 12 kagaina sang aga.
Sa impormasyon nga nakalap sang Bombo Radyo Koronadal, ginkilala ang biktima kay Jennifer Oñaz, single 39 anyos nga residente sang General Santos City kag empleyado sang CHED Region 12 nga naka assign sa record section sang nasambit nga talatapan kun sa diin dead on arrival ini makaligad nga ginluthang sang wala pa nakilal-an nga mga suspek.
Suno sa mga nakasaksi, isa ka van suno pa ang makaduluda nga nakaparada sa nasambit nga lugar kun sa diin alas 7 sang aga samtang pasulod sa compound sang Regional Office 12 ang biktima, nagpanaog suno pa ang isa sa mga armado nga suspek kag gilayon nga ginluthang si Oñaz.
Nag-angkon naman sang 4 ka igo sang bala ang biktima kun sa diin pinakamalala dire amuh ang igo sa iya nga dughan nga nangin tunaan sang iya kamatayon.
Tikom naman ang bibig sang mga empleyado sang nasambit nga talatapan bangud sa tuman nga kahadlok apang suno sa masaligan nga source, una na suno pa nga nakabaton sang death threat ang CHED Regional Director nga si Dr. Maximo Aljibe bag-o pa man ang insidente.
