KORONADAL CITY– Nalumos sa tubig baha ang pila ka mga buluthuan sa probinsya sang Sultan Kudarat samtang ektarya naman nga palayan ang wala man makaluwas makaligd ang tuman nga pag-ulan sa nasambit nga probinsya.
Sa interbyu sang Bombo Radyo Koronadal sa sa manunudlo nga si Regine Fauncio, wala nakaluwas ang Biwang Central School sa banwa sang Bagumbayan Sultan Kudarat kun sa diin halos ginsulod na sang tubig ang ila mga buluthuan kag pabudlayanay man ang mga estudyante kag mga manunudlo kun paano makatabok sa tubig baha agud makasulod lamang sa klase.
Samtang sa pihak nga bahin pila man ka ektarya sang palayan ang napagkit nga lumos man sa tubig baha kun sa diin dismayado ang kadamuan sa mga mangunguma ilabi na nga nagahilapit na ang harvest season sa magasunod nga bulan.
Sa bahin naman sang Tacurong City, stranded ang pila ka mga pasahero bangud sa tuman nga traffic nga gintuga sang pagbaha sa nagapanguna nga mga dalanon.
Sa karun nagapadayon pa ang assessment sang Provincial Disaster Risk Reduction and Managment Council sang Sultan Kudarat kun pila ang napagkit nga kagub-anan sang malapnagon nga pagbaha sa probinsya.
Top
