-- ADVERTISEMENT --
KORONADAL CITY-Nagapadayon pa ang imbestigasyon sang mga otoridad sa nasapwan nga eksplosibo sa Sitio Maasin, Barangay Reyes, Banga, South Cotabato.
Gintumod naman ini nga isa ka 60mm mortar shell nga nakit-an sang isa ka Danny L. Betamor Sr., 51-anyos, mangunguma kag residente sang nasambit nga lugar sa kilid sang sapa.
Gilayon naman nga ginkadtuan sang Explosive Ordnance Division (EOD) ang lugar agud malikawan nga may mahalitan.
Sa subong yara na sa kostudiya sang EOD ang eksplosibo samtang nagapadayon ang imbestigasyon kag agud nga matumod kun sin o ang nagbilin sini sa lugar.
