KORONADAL CITY– Nagtuga sang pagka-alarma sa mga residente sa syudad sang Koronadal ang narekober nga isa ka granada sa Prk Ilang-Ilang Brgy. Saravia.
Sa ekslusibo nga interbyu sang Bombo Radyo Koronadal kay Mae Ann Bacalso isa sa mga nakakita sang eksplosibo, tuman ang kakibot suno pa nila sang makit-an ang granada pila ka metro lang ang kalayuon sa ila barangay hall.
Gilayon naman nga ginreport ang nakit-an nga granada sa Brgy. officials kag gilayon nga nagresponder ang Explosive Ordnance Disposal Team sang PNP kag ginkordon ang area kag madinalag-on nga nadisrupt ang granada.
Kaangot sini mas ginpahugtan pa ang seguridad sa bug-os nga syudad ilabi na kag ginahiwat subong ang 79th Foundation anniversary kag 19th Hinugyaw Festival 2019 sang Koronadal.
Sa karun gginahibalo pa ang motibo sa nasambit nga panghitabo.
