Ekonomiya sang Pilipinas, nagsanyog sang 5.2% sa third quarter sini nga tuig

Ginpahayag sang Philippine Statistics Authority (PSA) nga nagsanyog ang ekonomiya sang pungsod sang 5.2% sa ikatlo nga quarter sini nga tuig sa diin mas manubo ini ikumparar sa nagligad nga quarter nga 6.4%.

Bangud diri, ginpahayag sang PSA nga ang pagsanyog sang ekonomiya sa ikatlo nga quarter ang nagdala sang average gross domestic product (GDP) growth nga 5.8% para sa una nga tatlo ka quarter sang 2024 nga manubo sa 6% tubtob 7% nga target sang gobyerno para sa karon nga tuig.

Ginpahayag naman ni National Economic and Development Authority (NEDA) Secretary Arsenio Balisacan nga isa sa gihapon ang Pilipinas sa mga pungsod sa Asya ang may pinakamadasig nga pagsanyog sa ekonomiya.