KORONADAL CITY – Madinalag-on nga ginsaulog ang pagtakop sang Ramadan sang mga kautoran nga Muslim sa probinsya sang South Cotabato.
Suno kay Sultan Mutalib Sambuto ang chief sang Muslim Affairs sang probinsya, may yara sila sang ginpatigayon nga sambayang sa pila ka mga mosque kadungan sa pagsaulog sang Eid’l Fitr apang ginpasiguro sini nga ila gintuman ang mga protocol sang gobyerno labi na ang physical distancing.
Nagpatigayon naman sang pagpangamuyo sa ila panimalay ang mga Muslim bilang halad sa bug-os nga sakripisyo sa tion sang Ramadan.
Bilang selebrasyon sang pagtakop sang Ramadan, ginpakamaayo na lang nga sa puloy-an na lamang ang salo-salo nga matabo kaupod ang tagsa-tagsa ka pamilya.
Dugang pa sini nga ila ginalikawan ang pagtililipon batok sa pagkalaton sang Coronavirus disease 2019.
