-- ADVERTISEMENT --
Mas gin-pasangkad pa subong sang mga pungsod nga Egypt kag Qatar ang ila mga lakang agud matigilan gid ang pag-atake sang Israel sa Gaza.
Ang mga nasambit nga pungsod amo ang mga nangunguna nga mediator sa tunga sang Israel kag Hamas.
Nagtigayon na sila sang pagpulong upod ang mga representante sang Israel kag Hamas nga gintigayon sa Qatar.
Una nga ginsiling ni Israeli Prime Minister Benjamin Netanyahu, nga handa siya magtugon sa 60 ka adlaw nga ceasefire hasta nga maabot ang pagtigayon sang kalinong sa Gaza.
Ginahambal ni Netanyahu nga mahimo lang niya ini kung magpakita ang Hamas sang dedikasyon nga ibaba ang ila mga armas.
