Umabot na sa mahigit 2,500 ang nasawi sa Ebola outbreak sa Democratic Republic of Congo, habang patuloy na mabilis ang pagkalat ng sakit.
Ayon kay UN Ebola coordinator Julien Harneis, nahihirapan nang makasabay ang response operations at maaaring maubos sa loob ng ilang linggo ang kasalukuyang pondo para sa pagtugon sa outbreak.
Ang kasalukuyang epidemya ang ika-17 Ebola outbreak sa Congo at nalampasan na nito ang dating pinakamalaking outbreak sa bansa noong 2018–2020 batay sa dami ng kaso.
Dahil sa Bundibugyo species ng Ebola, na wala pang aprubadong bakuna o gamot, nasa 160 health workers na ang nagkasakit at 43 ang namatay.
Bukod dito, mahigit 260 pag-atake sa health workers ang naitala sa nakalipas na anim na buwan, kabilang ang walong nasawi. Ilang ambulansya at health facilities din ang inatake dahil sa takot, galit at maling impormasyon tungkol sa outbreak.
Dahil dito, nananawagan ang United Nations ng karagdagang suporta upang mapalakas ang medical response at mapigilan ang patuloy na pagkalat ng Ebola.
