Ginhingyo sang anay Presidete Rodrigo Duterte sa iya mga tagasuporta nga indi na magpalabot sa iya kaso sa International Criminal Court (ICC), suno kay Vice Presidente Sara Duterte.
Sa isa ka pahayag, gin-siling ni VP Sara nga amo ini ang mensahe sang iya amay nga ginpaabot sa iya abogado, kay wala sila nagkita sang Marso 28.
Suno kay Sara, gin-pahayag sang anay presidente nga ang iya legal team kag ang korte ang dapat mag-atubang sa mga proseso sang kaso nga wala sang labis nga impluwensya halin sa guwa. Gin-mention man ni FPRRD nga indi pag-istoryahan ang kaso sa publiko, labi na ang parte sang mga complainants sa ICC.
Bilang alternatibo, gin-hikayat ni FPRRD ang iya mga tagasuporta nga magbulig sa mga kandidato sang PDP-Laban sa pala-abuton nga eleksyon sa Mayo.
Samtang, gin-siling man ni VP Sara nga may mga nakaset nga rally ang iya amay para sa mga kandidato antes siya arestuhon kag magsurrender sa ICC sang Marso 11, apang indi na siya maka kampanya.
Si Duterte yara karon sa kustodiya sang ICC tungod sa mga kaso nga crimes against humanity nga may kahilabtanan sa mga paglapas sa mga karapatang pantao ilalom sang iya administrasyon.
